☆~ஓய்வில்லா தேனீ~☆ ™: செவ்வாய் பற்றிய சில உண்மைகள்

நம்மில் பலருக்கு - செவ்வாய் கிரகம் என்பது சூரியனிலிருந்து நான்கவதாக இருக்கும் கோள், இதன் மேற்பரப்பில் காணப்படும் இரும்பு ஆக்சைடு இக்கோளைச் செந்நிறமாகக் காட்டுவதால் இதற்குச் செவ்வாய் என்ற பெயர் ஏற்பட்டது - என்ற இந்த இரண்டு விடயங்களைத் தவிர்த்து செவ்வாய் கிரகம் பற்றி அவ்வளவாக ஒன்றும் தெரிந்திருக்க வாய்ப்பில்லை (ஒருவேளை நீங்கள் வானவியல் அறிஞராக இல்லாவிடில்)..!

நாளுக்கு நாள் மாபெரும் சுவாரசியங்களை கட்டவிழ்த்து கொண்டிருக்கும் செவ்வாய் கிரகம் பற்றி உங்களுக்கு தெரிந்திருக்க வாய்ப்பே இல்லாத 'சில' உண்மைகள் பற்றிய தொகுப்பே இது..!

காலம் :

செவ்வாய் கிரகம் முதன் முதலில் குறிப்பில் பதிவு செய்யப்பட்ட காலம் : கி.மு 2 ஆம் நூற்றாண்டு. பதிவு செய்தவர்கள் : எகிப்திய வானியல் அறிஞர்கள்.

இரண்டு நிலாக்கள் :

இதுவரை செவ்வாய் கிரகத்திற்கு மொத்தம் இரண்டு நிலாக்கள் கண்டறியப்பட்டுள்ளது. அதன் பெயர்கள் : தெய்மொசு மற்றும் போபொசு (Phobos & Deimos)

ஒரு முறை :

செவ்வாய் கிரகத்தை ஒரு முறை சுற்றிவர எடுத்துக்கொள்ளப்படும் காலம் : 687 நாட்கள்.

நிலப்பகுதி :

பூமியின் நிலப்பகுதியும் (Land mass) செவ்வாய் கிரகத்தின் நிலப்பகுதியும் கிட்டத்தட்ட சமம் தான்.

மலை :

சூரிய குடும்பத்தில் இருக்கும் மலைகளிலேயே மிக உயரமான மலை செவ் வாய் கிரகத்தில் தான் உள்ளது.

பெயர் : ஒலம்பஸ் மோன்ஸ் (Olympus Mons)

உயரம் : 21 கிமீ

தூசி புயல் :

சூரியக் குடும்பத்தில் மாபெரும் தூசி புயல்களை உள்ளடக்கியதும் செவ்வாய் கிரகம் தான். அவைகள் மாதக்கணக்கில் ஒட்டுமொத்த கிரகத்தையும் சூழ்ந்து வீசும் என்பது குறிப்பிடத்தக்கது.