உடல்நலம்

* பற்கள் மஞ்சளாக இருந்தால் புதினா இலையை காய வைத்து பொடி பண்ணி அதனுடன் உப்பு சேர்த்து பல் தேய்த்து வந்தால் பல் பளிச்சிடும்.

* உதடு கருப்பாக இருந்தால் ரோஜா இதழை அரைத்து உதட்டில் தடவி வந்தால் உதடு மென்மையாகவும் சிவப்பாகவும் மாறிவிடும்.

* ஆரஞ்சு பழத்தோலை வெயிலில் காயவைத்து அரைத்து அதனுடன் பால் சிறிதளவு கலந்து முகத்தில் தடவி பதினைந்து நிமிடம் கழிந்து முகம் கழுவினால் முகம் புத்துணர்ச்சியுடன் இருக்கும்.

* கண்களை சுற்றியிருக்கும் கருவளையத்தை நீக்க பால் ஆடையில் ரோஜா இதழும் பாதாம்பருப்பும் சேர்த்து அரைத்து கண்களை சுற்றி தடவி வந்தால் கருவளையம் நீங்கும்.

* முகத்தில் ஏற்படும் சுருக்கத்தை போக்க: வெங்காய சாறு எடுத்து முகத்தில் தடவி மூன்று நிமிடம் காயவிடவும். பிறகு கழுவிவிட்டு தேன் நான்கு சொட்டு முகத்தில் தடவினால் முகம் சுருக்கம் நீங்கி பொலிவு பெறும்.

* தலைக்கு ஷாம்பூ போட்டு குளித்து அரை கப் பாலில் கூந்தலை அலசினால் கூந்தல் பட்டு போல் மென்மையாக இருக்கும.

* காலில் பித்த வெடிப்பு இருப்பவர்கள் சுடுதண்ணீரில் கல் உப்பு போட்டு அதில் கால்களை அரை மணி நேரம் வைத்து இருக்கவும்.பிறகு துடைத்து விட்டு மருதாணி அரைத்து பூசி வந்தால் வெடிப்பு மறைந்துவிடும்.

* சிலருக்கு கை அல்லது கால் முட்டியில் கருப்பாக இருக்கும். இதற்கு ரோஸ்வாட்டர், எலுமிச்சபழம் சாறு, தயிர் மூன்றையும் சிறிதளவு எடுத்து ஒன்றாக கலந்து கருப்பாக இருக்கும். இடத்தில் தேய்த்து வந்தால் கருப்பு மறைந்துவிடும்.

* கடலைமாவு சிறிதளவு பாலாடை சிறிதளவு இரண்டையும் ஒன்றாக கலந்து முகத்தில் தடவி ஐந்து நிமிடம் கழித்து ஐஸ் தண்ணீரில் கழுவினால் முகம் பளிச்சென்று இருக்கும்.