Latest News

12 வயது சிறுமிக்கு அறிவியல் அறிஞர்கள் ஐன்ஸ்டீன், ஸ்டீபன் ஹாக்கிங்கை விட அதிக அறிவுத்திறன் (ஐ.க்யூ)(I.Q) இருப்பது தெரியவந்துள்ளது.

லண்டனின் லிவர்பூல் பகுதியைச் சேர்ந்த ஆலிவியா மேனிங் என்ற அந்த சிறுமி, அறிவுத்திறன் போட்டியில் 162 மதிப்பெண்கள் எடுத்ததன் மூலம் இப்பெருமையைப் பெற்றார்.

இந்த வெற்றியின் மூலம் உலகின் மிகவும் பழைமையானதும் பெரியதுமான அதிக அறிவுத்திறன் பெற்ற சமூகமான "மென்சாவில்' இணையும் வாய்ப்பையும் ஆலிவியா பெற்றார்.

ஐன்ஸ்டீன், ஹாக்கிங் ஆகியோரை விட இவர் 2 மதிப்பெண்கள் அதிகம் பெற்றுள்ளார். இதனால் உலகில் அதிக நுண்ணறிவு கொண்டவர்களில் முதலிடத்தையும் இவர் பிடித்துள்ளதாக "டெய்லி மெய்ல்' செய்தி வெளியிட்டுள்ளது.

இது குறித்து ஆலிவியா கூறுகையில், "என்னுடன் படிக்கும் மாணவ, மாணவிகளில் நிறைய பேர் என்னிடம் வந்து அவர்களது வீட்டுப்பாடங்களை செய்து தரும்படி கேட்பர். இதை ஒரு சவாலாக எடுத்து என்னுடைய ஞாபகத் திறனை வளர்த்துக் கொண்டேன்' என்று தெரிவித்தார்.
 
Top