காலையில் பத்து மணிக்கு முன்னர் தயவு செய்து எந்திரித்து தொலைக்க வேண்டாம்... மீறி எழுந்தால், வேலைக்கு செல்பவர்களை பார்த்து மனம் உடைய நேரிடலாம்.
எழுந்து காலை உணவு உண்ட பின்னர் உங்கள் மெயில் ஐடி'யை செக் செய்யவும் அதில் பல வேலை வாய்ப்பு தகவல்கள் வந்து தலையை வலிக்க வைக்கும்.... உடனே யு-டுயுப் அல்லது முஞ்சி பூக்கிற்கு சென்று இளைப்பாறவும்
வேலை இல்லாதவருக்கு மதிய தூக்கம் மிக மிக அவசியம் அதனால் கண்டிப்பாய் இரண்டு மணி முதல் ஆறு மணி வரை தூங்கி விடவும்
மாலை எழுந்ததும், உங்களை போல் வேலை இல்லாத உங்கள் நண்பர்களை சந்தித்து இந்திய பொருளாதாரம் முதல் தமன்னாவின் வாழ்வாதாரம் வரை வெட்டி பேச்சு பேசலாம்
இரவு அனைவரும் தூங்கும் நேரத்திற்கு சரியாய் வீடு வந்து சேர்ந்து விடவும், கொஞ்சம் முன்னாலோ பின்னலோ வந்தால் தந்தையிடம் பூசை நிச்சயம், பின்னர் இரவு பொழுது தங்கள் கணினியில் பொழுதை கழிக்கலாம்
இடையிடையே உங்களுக்கு வேலை இல்லை என்று யாராவது (முக்கியமாக உறவினர், பக்கத்துக்கு வீட்டார்....) குத்திக்காட்ட கூடும் அப்போது வெட்கமே இல்லாமல் சிரித்து விடவும்... பின்னர் அவர்களின் பெண், பிள்ளைகளை பின்னர் பழி தீர்த்து கொள்ளலாம்.
பின் குறிப்பு : கல்யாணம் கிடா விருந்து போன்ற உறவினர் தெரிந்தவர் அதிகம் கூடும் இடங்களில் தலை காட்ட வேண்டாம் !
