ஒவ்வொரு அரசியல் கட்சிகளுக்கும் ஒரு சின்னம் இருக்கிறது. அதுபோல இந்த தீபாவளித் திருநாளில் இந்த அரசியல் கட்சிகளுக்கான வெடியை ஒதுக்கினால் எந்த கட்சிக்கு எந்த வெடியை ஒதுக்கலாம் என்பதை இங்கே பார்க்கலாம்.
அதிமுக : இதற்கு சங்கு சக்கரத்தை ஒதுக்கலாம். காரணம் இது ஜெயலலிதாவை மட்டும் சுற்றி சுற்றி வரும்.
திமுக : இதற்கு சரவெடியை ஒதுக்கலாம். காரணம் இது ஒரு பெரிய குடும்பம் தாத்தாவில் ஆரம்பிச்சால் பேரன் பேத்திவரை தொடர்ந்து வெடிக்கும்
தேதிமுக : இதற்கு புஸ்வாணம் ஒதுக்கலாம். காரணம் இது புஸ் என்று பிரகாசமாக வந்து உடனே மங்கி போய்விடும்.
பாமக : இதற்கு புளுத்து போன வெடிகள் ஒதுக்கலாம். வெடிக்காமல் தெரு ஒரம் கிடக்கும் புளுத்து போன வெடிகள்
காங்கிரஸ் : இதற்கு ராக்கெட் ஒதுக்கலாம். ராக்கெட் தமிழகத்தில் பத்த வைச்சால் டில்லியில் போய் வெடிக்கும்
மதிமுக : இதற்கு பாம்பு வெடி ஒதுக்கலாம் .பாம்பு வெடி புஸ் என்று சீறி ஒடி அமைதியாக அடங்கிவிடும்
பிஜேபி : இதற்கு லட்சுமி வெடி ஒதுக்கலாம். லட்சுமி வெடி கடவுள் பெயரால் மிக பலத்த சத்தத்துடன் வெடிப்பதால் தனித்தனியாகதான் வெடிக்கும்
கம்யூனிஸ்ட் : இதற்கு கேப் வெடி ஒதுக்கலாம். கேப்வெடி பொட்டுமாதிரி சின்ன டப்பாவில்(உண்டியல்) இருக்கும். இதை சுத்தியல் அல்லது கல்லால் ஒன்று ஒன்றாக அடித்து வெடிப்பார்கள்
